عيّاش والتلطيش!

اليوم كنا ماشيين بالسوق نحنا وعياش.. وطبعا السيد عياش ما بيقدر يشوف صبية حلوة وما يسمعها كلمتين ظراف.. وقضالنا المشوار كلو على "شو هالطول".. "شو هالجمال".. "يسلملي الحلو"... آخر شي وقفناه بنص الطريق وقلنالو انو هيك ما بيصير.. بغض النظر عن كل شي بس التلطيش هو عادة كتير بشعة وسيئة.. وعيب كتير انو كل ما شاف صبية يخجلها بهالطريقة.. طبعاً هو كالعادة حمل السلم بالعرض.. وقال شو.. العيب انو يشوف صبية حلوة وما يقللها انتي حلوة.. لأنو على رأيو "الله جميل يحب الجمال"!... 
انتو اصدقائي.. هالمرة مع مين رح تكونو؟.. معنا أو مع عياش؟.. شو رأيكن بعادة التلطيش؟.. هل هيي عادة سيئة لازم يبطلوها الشباب؟.. أم متل ما قال عياش.. لازم كل ما شاف الواحد شي حلو يعبرلو عن جمالو؟..